Recomendacións en Radioleiros: 9 novembro 2018

- Xuvenil (a partir de 10 anos):

A biblioteca de Pedrarcana, de Carlos Taboada
Xerais

Esta é a historia da recuperación do ideal dunha cidade, porque a vila de Pedrarcana de Leria é unha cidade sumida no aburrimento debido á febre da construción. Pero todo cambia cando por un erro burocrático chega Andrea a traballar na anticuada biblioteca da cidade e o aire fresco entra no edificio.

- Mozas/os e adultas/os:

El río, de Rumer Godden
Acantilado

O crecemento e a aprendizaxe da vida son as dúas palabras que resumen a novela. A protagonista é Harriet, unha preadolescente inglesa que vive coa súa familia á beira dun río nunha cidade da India. Harriet está a facerse maior e non acaba de encaixar nin no mundo dos adultos nin dos nenos, pero ao mesmo tempo atópase dividida entre dúas culturas, a inglesa e a hindú.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.