Recomendacións en Radioleiros: 2 de outubro

- Infantil (de 6 a 8 anos):

El libro que se sentía solo, de Kate Bernheimer; ilustracións de Chris Sheban
Juventud

Un libro vello da biblioteca está triste porque ninguén lle presta atención. O seu encontro con Alicia, unha lectora con sensibilidade e imaxinación, mudará o seu destino. Ilustracións de grande calidade do norteamericano Chris Sheban.

- Mozas/os e adultas/os:

Ao pé do magnolio, de Marina Mayoral
Galaxia

Paco cóntalle a historia da súa vida a unha escritora. Unha reflexión sobre o que foi e o que puido ser, a aceptación da renuncia e as decisións que tomou. Un monólogo onde os éxitos mestúranse cos fracasos, contado desde a perspectiva masculina e que é continuación de "Unha árbore, un adeus".

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.