O pasado 30 de xaneiro, coincidindo co nacemento de Alfonso Daniel Rodríguez Castelao, celebramos o Día da Ilustración en Galicia para destacar a importancia da ilustración e do deseño no libro e na lectura, así como para poñer en valor o sector galego da ilustración.
Este ano Bibloleiros quere rendir unha homenaxe ás vítimas do atentado cometido en París contra membros da revista francesa Charlie Hebdo, a través dunha exposición de obras de banda deseñada que podes visitar no vestíbulo da Biblioteca Rialeda. Son moitas as obras que poden formar parte desta exposición. Escollimos algunhas daquelas que nos parecen máis representativas do noso fondo bibliográfico de cómics.
Pásate polo vestíbulo de Rialeda e visita a exposición!
Escolle algún título para levarte en préstamo!
No hay comentarios:
Publicar un comentario