12 de xaneiro: Inicio 2º trimestre na Tertulia Literaria da Biblioteca de Santa Cruz

Biblioteca e Centro de Documentación da Muller "Rosalía de Castro"
Hora: 18 a 20 h.

 Comenzamos o 2º trimestre coa seguinte programación:

- "Prisioneros en el paraíso" de Arto Paasilinna

- "Atracción total" de Carmen Blanco

- "84 Charing Cross Road" de Helene Hanff

- "El palacio azul de los ingenieros belgas" de Fulgencio Argüelles

- "Los platos más picantes de la cocina tártara" de Alina Bronsky

Outros actos:

- Presentación de "Bibliotecarias e bibliotecarios infames" de F. X. Redondo Abal. (9 febreiro) SUSPENDIDA

Datas:

- Xaneiro: días 12 e 26

- Febreiro: días 9 e 23

- Marzo: días 9 e 23

Pode apuntarse á actividade:
- Persoalmente na Biblioteca de Santa Cruz.
- Por teléfono (981 626 338) no horario da biblioteca.

Nestes intres o grupo está completo, polo tanto as inscricións pasarán a formar parte da lista de espera. 

Tertulia literaria en Rialeda: 7 de xaneiro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Los detectives salvajes" de Roberto Bolaño.
Documentación
Obras de Roberto Bolaño nas nosas bibliotecas.

A seguinte obra programada é "Olive Kitteridge" de Elizabeth Strout.

7 de xaneiro: Inicio 2º trimestre na Tertulia Literaria (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comenzamos o 2º trimestre nas Tertulias literarias da Biblioteca Central Rialeda no Grupo A.

Programación Grupo A:

- "Olive Kitteridge" de Elizabeth Strout

- "El estandarte" de Alexander Lernet-Holenia
- "Un dedo manchado de tinta" de Manuel Portas

 - "La invención de Morel", de Adolfo Bioy Casares

- "Las viudas de los jueves" de Claudia Piñeiro

- "Las buenas personas" de Nir Baram

Outros actos:
Presentación do libro "Totum revolutum" de Cristina Barrio (4 de febreiro ás 18,30 h.)

Datas Grupo A:

- Xaneiro: días 7 e 21

- Febreiro: días 4 e 18

- Marzo: días 4 e 18

Pode apuntarse á actividade:
- A través da páxina web do Concello de Oleiros.
- Persoalmente na Biblioteca Central Rialeda.
- Por teléfono (981 639 511) no horario da biblioteca.

Nestes intres o grupo está completo, polo tanto as inscricións pasarán a formar parte da lista de espera.

Calendario das Bibliotecas de Oleiros durante o Nadal 2014

Queremos informar aos/ás nosos/as usuarios/as do calendario no que as bibliotecas municipais de Oleiros non abrirán ao público durante o Nadal 2014.
Aproveitamos para transmitir os nosos mellores desexos de saúde, felicidade e prosperidade; que o vindeiro ano traia boas novas e un mundo de ilusións e proxectos convertidos en realidades.
Biblioteca Central Rialeda. Perillo: pechará os días 24, 27 e 31 de decembro e o 3 de xaneiro.
Biblioteca Municipal Rosalía de Castro. Santa Cruz: pechará os días 24 e 31 de decembro.
Biblioteca Municipal Manuel María. Oleiros: pechará os días 24 e 31 de decembro.
Biblioteca Municipal Mª José Trincado. Mera: pechará desde o 24 de decembro ata o 5 de xaneiro.
Biblioteca Municipal Xograr Mendiño. Lorbé: pechará os días 24, 26 e 31 de decembro e o 2, 5 e 9 de xaneiro.
Biblioteca Municipal Ánxel Fole. Nós: pechará desde o 29 de decembro ata o 5 de xaneiro.
Biblioteca Municipal Mª José Ruso. Dorneda: pechará desde o 22 de decembro ata o 7 de xaneiro.
Biblioteca Municipal Federico García Lorca. Montrove: pechará desde o 24 de decembro ata o 8 de xaneiro.                                                                                                                       Desculpen as molestias.
                                                                                                                                         Felices festas!

Recomendacións en Radioleiros: 2 de xaneiro

Xuvenil (a partir de 12 anos):

"Qué blanca más bonita soy" de Dolf Verroen

Lóguez

María a protagonista celebra o seu cumpreanos e recibe toda clase de agasallos, perfumes, vestidos, un bolso…pero o máis importante chega por parte do seu pai, chámase Kokó e é un escravo negro, de idade e sexo indefinida, curiosamente acompañado dunha fusta, regalo dunha tía da familia, que non é necesario explicar cal vai ser a súa aplicación… lamentablemente a fusta é dun tamaño que non é o ideal para levar no bolso. 

Este é o punto de partida dun libro que reflexiona dun xeito bastante cruento, e máis visto desde a perspectiva cotián dunha nena de doce anos, sobre o tema da escravitude.

- Mozas/os e adultas/os:

"O anxo de Eva" de Marina Mayoral

Xerais

Eva é unha nena de case trece anos que vive entre o mundo irreal das visitas dun anxo do que se namora e o mundo real das relacións con seus pais, separados desde fai pouco tempo, coa súa avóa, cun irmán ateo, co mozo que lle gusta, e a maravillosa complicidade coa súa amiga Sol. Toda unha labor de aprendizaxe para unha nena que quere probar novas fórmulas co fin de deixar de selo.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 26 de decembro

- Infantil (nenas-os a partir de 6 anos):

"El ladrón de palabras" de Nathalie Minne, editado por Edelvives.
Fermoso álbum de gran formato, moi ben ilustrado, que conta unha historia que nos fala da beleza e da importancia das palabras. O seu valor para comunicarnos cos demais, para que nos entendan, para facer rir, ou chorar, para pedir ou negar algo, para entreter e divertirnos e sobre todo para expresar as nosas emocións e os nosos sentimentos. 
O ladrón de palabras acode cada noite á cidade para recoller coa súa rede as palabras dos seus habitantes. Unha vez que está na súa casa, clasifícaas e gárdaas. Hainas doces ou salgadas, unhas frías e outras cálidas, etc.  Despois divírtese con elas probando diferentes mesturas con distintas receitas, ata que unha noite coñece a un neno, que o saúda e o ladrón cae ao chan voando polos aires...
Unha obra cun deseño e unha edición moi coidadas, na que predominan unhas magníficas ilustracións, que nos ensina que o mellor das palabras é compartilas cos amigos e amigas e cos nosos seres queridos.
 

- Mozas-os e adultas-os:
"Dende o conflito" de María Reimóndez, en Xerais.
Premio Xerais de Novela 2014
A protagonista, Saínza Combarro, é unha xornalista galega que traballa para diversos medios de comunicación británicos: primeiro para The Guardian, despois para a BBC.
A novela comeza co envío dunha reportaxe desde Ruanda, sobre mulleres que sofren torturas e violacións no Congo. Despois traballa un tempo en Londres, para logo marchar a Irak a cubrir o conflito bélico. De aí a Etiopía sobre as eleccións nese país. De Etiopía marcha para Afganistán, a Sri Lanka ou a Haití. Tamén nos fala de lugares máis próximos como Berlín, Barcelona, Compostela e Vilalba. Ao mesmo tempo que vai contando a historia, presenta relatos xornalísticos,  retransmisións para a BBC, ou cartas que se escribe coa súa amiga Aurora.

A autora expón a importancia do traballo como xornalista nas situacións de conflito e rende unha homenaxe ás mulleres xornalistas que souberon poñer a verdade dos conflitos bélicos por enriba de todo. Unha obra sobre o xornalismo, pero tamén sobre a guerra, a gran diferenza entre o norte e o sur, a pobreza e a fame, a miseria e a marxinación, pero, principalmente, sobre o valor da amizade e do amor.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Á calor dos libros: guía de lectura para o Nadal 2014

Desde as Bibliotecas Municipais de Oleiros elaboramos unha guía de lectura titulada “Á calor dos libros”, formada por  66 recomendacións de libros e dvd. Esta escolla foi realizada polo persoal das bibliotecas e nela pódense atopar publicacións moi diversas.
 
É unha escolla de creacións de autoras e autores galegos, españois e internacionais, para distintos gustos,  intereses,  preferencias  e idades.  Bos libros e películas para gozar e compartir.
Desde as Bibliotecas de Oleiros ofrécese esta guía de lectura cun dobre obxectivo: presentar obras de calidade literaria, artística ou científica para animar a súa lectura ou visionado e lembrar que un libro e un dvd son tamén un bo agasallo.
 
Son 66 libros e dvd que hai nas bibliotecas municipais e que se poden levar en préstamo para as casas. Uns divirten, outros emocionan, fan pensar, provocan a reflexión ou aportan novos coñecementos. 
Animamos a todas as persoas que vaian facer algún agasallo por estas datas de Nadal ou Reis, a que obsequien aos seus seres queridos cun libro, disco ou película. Gustaríanos que os/as que teñen vacacións que dediquen parte do seu tempo a ler algún libro; principalmente os nenos/as, adolescentes e mozos/as e lembramos da importancia da lectura na formación integral da persoa. 

Desde as Bibliotecas Municipais de Oleiros desexamos transmitir os nosos mellores desexos de saúde, felicidade e prosperidade. 

   Que 2015 traia boas novas e un mundo de ilusións e proxectos convertidos en realidades!

Recomendacións en Radioleiros: 19 de decembro

- Infantil (nenos-as menores de 6 anos):
"El gato y el pájaro: Paul Klee" texto de Géraldine Elschner e ilustracións de Peggy Nille, editado por Juventud. Partindo dunha idea de Klee arredor da relación entre gatos e paxaros, as autoras desenvolven unha historia con remate optimista e gran contido estético. Magníficas ilustracións que fan deste libro un produto visual de primeira categoría. Indicado como agasallo.

 
- Mozos-as e adultos-as:
"Matarte lentamente" de Diego Ameixeiras, en Xerais.
Historia coral do Santiago contemporáneo con 57 capítulos curtos. Un relato policíaco que tamén é vida cotiá: mestúranse os afectos, os odios, o traballo, o lecer, a droga, o sexo, os ciumes e os cartos nun círculo levado dun xeito cirúrxico. Crónica social cun ritmo rápido nunha novela plenamente actual.
 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Contacontos de Nadal: 10 e 17 de decembro en Santa Cruz

Este Nadal poderás gozar de dúas sesións de contacontos na Biblioteca Rosalía de Castro de Santa Cruz:
 
- Mércores 10 de decembro, ás 18:30 h.
"Conta-maxia" a cargo d'A Illa d@s nen@s, para nenas e nenos a partir de 3 anos.
- Mércores 17 de decembro:
"Contos de Nadal" a cargo de Soledad Felloza. Haberá dúas sesións:
- Ás 18:00 h. para nenas e nenos menores de 3 anos (para esta sesión é imprescindible reservar praza chamando ao 981 626 338 a partir do 11 de decembro).
- Ás 18:30 h. sesión para nenas e nenos maiores de 3 anos.
 

ESPERÁMOSTE!!
BO NADAL e FELICES FESTAS a todos/as!!

Tertulia literaria en Rialeda: 17 de decembro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Las buenas personas"* de Nir Baram.
Documentación
Obras de Nir Baram nas nosas bibliotecas.

A seguinte obra programada é "Futuro imperfecto" de Xulia Alonso Díaz.

Este grupo realizará unha pausa na actividade durante o tempo de Nadal, retomándose o 14 de xaneiro do vindeiro ano.

Feliz Nadal e os nosos mellores desexos para o ano novo a todas e todos as/os seus participantes.

17 de decembro: Visitas do alumnado do IES Miraflores á Biblioteca Central Rialeda

Actividade dirixida ao alumnado de 2ª de ESO do IES Miraflores de Oleiros.
Horario: de 9:00 a 12 h.
 

Explicaráselles a historia do edificio, coñecendo as diferentes salas e servizos.

Ao remate das visitas, o contacontos Caxoto realizará unha dramatización baseada en "Cando petan na porta pola noite" de Xabier P. Docampo.
Aviso importante: o 2º andar da biblioteca (sala de audiovisuais e ordenadores) verá restrinxido o seu uso durante a visita do alumnado.

Recomendacións en Radioleiros: 12 de decembro

- Xuvenil (a partir de 15 anos):

"A punta de pistola" de Fran Alonso
Xerais

Dúas historias paralelas que converxen nun inesperado final, a do Varas, delincuente habitual e a súa muller, que secuestran a punta de pistola durante un encontro familiar aos seus fillos tutelados polos servicios sociais. Este será o punto de inicio dunha trepidante fuxida, con final inesperado e na que terá algo que ver o outro personaxe da historia: Camila, unha camioneira que non só conduce o seu vehículo senón que é dona da súa empresa, escribe un blog e está a punto de embarcarse nunha nova aventura no outro lado do océano. Temas como a marxinalidade, a desestructuración familiar e social, a igualdade, a superación e a educación póñense de manifesto ao longo da obra.

- Moz@s e adult@s:

"Un mundo soñado" de Grace McCleen
Salamandra

O tema principal da novela é o fundamentalismo relixioso. Narra a historia de Judit, unha nena de 10 anos orfa de nai que vive co seu pai e ambos son membros participativos dunha secta cristiana. A habitación de Judit convértese no seu pequeno mundo onde confecciona co material que atopa unha maqueta en miniatura da súa cidade. É o seu refuxio fronte a hostilidade coa que se atopa na escola e a incomunicación co seu pai. Alí os seus desexos poden facerse realidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

10, 11 e 12 decembro: Visitas do alumnado do IES Isaac Díaz Pardo á Biblioteca Central Rialeda

Actividade dirixida ao alumnado de 2ª de ESO do IES Isaac Díaz Pardo de Sada.
Horario: de 10,45 a 13 h.

Explicaráselles a historia do edificio, coñecendo as diferentes salas e servizos, xunto cunha demostración audiovisual sobre o funcionamento do catálogo.

Ao remate das visitas, o actor Ramiro Neira de Artestudio Teatro realizará unha dramatización baseada nos relatos de Álvaro Cunqueiro.

Aviso importante: o 2º andar da biblioteca (Sala de audiovisuais e ordenadores) verá restrinxido o seu uso durante a visita do alumnado.

10 de decembro: Presentación de "Corazón de paloma" de Antón Borrallo

O mércores 10 de decembro, ás 18:30 h. terá lugar no 2º andar da Biblioteca Central Rialeda a presentación do libro "Corazón de paloma" do escritor Antón Borrallo. 

"Corazón de paloma" é unha novela que presenta un retrato da sociedade galega no medio rural a finais da Guerra Civil. Nela o autor denuncia as precarias condicións de vida da época, nuns anos nos que “la gente se moría por falta de cuidados médicos”, tal e como declara Antón nunha entrevista no xornal "El Ideal Gallego".

Tertulia literaria en Rialeda:10 de decembro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Prisioneros en el paraíso" de Arto Paasilinna.
Documentación
Obras de Arto Paasilinna nas nosas bibliotecas.

A seguinte obra programada é "Los detectives salvajes" de Roberto Bolaño.

Tras a sesión, ás 18,30 h. terá lugar no 2º andar da biblioteca a presentación do libro "Corazón de paloma" de Antón Borrallo.

Asimesmo e durante o tempo de Nadal, este grupo realizará unha pausa na actividade, retomándose o 7 de xaneiro do vindeiro ano. Feliz Nadal e os nosos mellores desexos para o ano novo a todas e todos as/os seus participantes.