Recomendacións en RadiOleiros: 12 xuño 2026

- Infantil (a partir de 10 anos):

El maravilloso viaje de Nils Holgersson a través de Suecia de Selma Lagerlöf, ilustrado por Yvan Duque. En Edelvives.

Percorrer toda Suecia ao lombo dun ganso, menuda aventura!

- Mocidade e público adulto:

El cerco de Ismaíl Kadaré. Editado por Alianza.

Dende lonxe ollaron como se achegaba o exército inimigo, amosando todo o seu poderío…

Recomendacións feitas no programa semanal que podes ESCOITAR en "Todo, todo está nos libros", emitido en RadiOleiros (101.5 FM) ás 13, 15 e 17 horas.

Animoso e saudoso Barnes: Premio Princesa de Asturias de las Letras 2026

O escritor británico Julian Barnes (Leicester, 1946) foi galardonado co Premio Princesa de Asturias de las Letras 2026 por unha obra que o xurado define como “lúcida, cálida e compasiva” e marcada por un “optimismo melancólico e un pesimismo alegre”. Recoñece o autor de "El loro de Flaubert" pola súa mirada lúcida, irónica e compasiva sobre o ser humano. Barnes, autor de "El sentido de un final" ou "Arthur e George", construíu unha traxectoria que combina novela, ensaio, memoria, arte, música, gastronomía e historia literaria cunha mirada europeísta e un estilo singular dentro da narrativa británica contemporánea. Este mismo ano publicou "Despedidas", o ensaio co que anunciou a súa retirada da literatura e no que reflexiona sobre a necesidade de aprender a dicir adeus.

Fonte: fpa

Barnes en Bibloleiros, Barnes en RadiOleiros, Barnes nos clubs de lectura, títulos dispoñibles en GaliciaLe, títulos dispoñibles en eBiblio, conversa de Julian Barnes con Xesús Fraga (tradutor de Barnes ao galego), Página dos rtve, julianbarnes.com, elespañol, bbc

Visita a expo de Julian Barnes que temos para ti no vestíbulo da Biblioteca Central Rialeda (Perillo).

                                                                                                                                          Parabéns, Julian!!!

Suspensión da charla "Microbioma e saúde" prevista para o 12 de xuño.

A charla MICROBIOMA E SAÚDE con Margarita Poza Domínguez e correspondente ao ciclo "Ler para Saber: A Ciencia", prevista para o 12 xuño 2026 ás 18:30 h. na Biblioteca Central Rialeda queda suspendida. 

Pregamos desculpen as molestias.

Tertulias literarias nas Bibliotecas de Oleiros (8 a 10 xuño 2026. Final de tempada)

Biblioteca "Mª José Trincado". Mera (Grupo B)
- Luns 8 de xuño. 19 a 20:30 h.
Comentario de "El vestido azul" de Michèle Desbordes.
Documentación.

Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 9 de xuño. 17:30 a 19:30 h.
Comentario de "La ciudad y los perros" de Mario Vargas Llosa.
Documentación.

Biblioteca Central Rialeda. Perillo (Grupo A)
- Mércores 10 de xuño. 17:30 a 19:30 h.
Comentario de "Viento del norte" de Elena Quiroga.
Documentación.

Agradecemos a altísima participación e fidelidade das participantes xunto co bo facer das moderadoras Silvia Salgado e Pepe Taboada.

Desexámosvos un feliz verán... e boas lecturas! Ata outubro!