Recomendacións en Radioleiros: 21 febreiro 2020

- Infantil (nenas-os de 8 a 10 anos):

“O que nunca che contaron” de María Canosa e Kike Gómez; ilustracións de Dani Padrón. Editado por Oqueleo.
Seis historias arredor da maxia e da ilusión ilustradas por Dani Padrón. Henry que traballa de mecánico nocturno amañando estrelas, a debuxante de horizontes que entra na súa propia paisaxe, Anasclasia que está decidida a salvar as bolboretas dos seus cazadores, Morgana que é repartidora de onomatopeas… conformando un texto orixinal e optimista.

- Mozas-os e adultas-os:
“Aporofobia, el rechazo al pobre. Un desafío para la democracia” de Adela Cortina. En Paidós.
O medo ao pobre é xeral en todas as sociedades do primeiro mundo o que contrasta co aprezo polo estranxeiro de bo nivel económico. Neste libro, Adela Cortina expón este problema do noso tempo, reflexiona arredor do mesmo e tenta facilitarnos ferramentas para enfrontarnos a esta realidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Sábado 22 de febreiro: a Biblioteca Manuel María (Oleiros ) estará pechada

A Biblioteca Municipal "Manuel María" (Oleiros) permanecerá pechada o sábado 22 de febreiro desde as 11 ata as 13 h.

Pregamos desculpen as molestias.

Actividades de promoción da lectura: 27 e 28 de febreiro 2020

Programa de actividades de promoción da lectura que Bibloleiros organiza para os centros de ensino do Concello, de 27 e 28 de febreiro:

Na Biblioteca Central Rialeda (Perillo) 

Venres 28 de febreiro: 
- 9:00: alumnas-os de 2º de Bacharelato do IES Miraflores (Oleiros), "Do fantástico ao neofantástico", e 11:30: alumnas-os de 1º de Bacharelato do IES Miraflores (Oleiros), "Pártome e móndome", con Isabel Andrés .

Na Biblioteca Rosalía de Castro (Santa Cruz) 

Xoves 27 de febreiro:
- 10:20: alumnas-os de 1º de EP do CEIP Luís Seoane (Mera), e 11:20: alumnas-os de 6º de EP do CEIP Juana de Vega (Nós).

"Chove miudiño" a cargo de Soledad Felloza. 
Venres 28 de febreiro:

- 9:15: alumnas-os de 2º de ESO do IES María Casares (Santa Cruz).

"Unha torre de lenda" a cargo de Enrique López.

18 febreiro 2020: Presentación das obras de Esther Pena na Biblioteca de Santa Cruz

Biblioteca e Centro de Documentación da Muller "Rosalía de Castro" de Santa Cruz
Martes 18 de febreiro ás 19 h.

A autora Esther Pena Vázquez e o escritor Xabier Maceiras presentarán as obras:

“Esa tierra extraña”, “Múltiples destellos de luz”, “Un café para recordarte”, “Espalda de seda” e  “Crimen para olvidar”

Entre as páxinas das súas obras, a/o lectora/o poderá vivir historias cotiás e visitar lugares da Coruña fácilmente recoñecibles. Acompañar ao inspector Duarte na resolución dunha trama criminal e deleitarse coa poesía desta escritora que ademais afonda en temas sobre a amizade e a paixón.

Desde as bibliotecas municipais invítase a todas as persoas que desexen asistir a gozar cos textos e as palabras desta autora.

Tertulia literaria en Rialeda: 19 febreiro 2020 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de Órdenes sagradas, de Benjamin Black
Documentación

Seguinte lectura: Dublineses, de James Joyce

Tertulia literaria en Santa Cruz: 18 febreiro 2020 (Grupo A)

Biblioteca e Centro de Documentación da Muller "Rosalía de Castro"
17,30 a 19 h.

Comentario de Nosotros en la noche, de Kent Haruf

Seguinte lectura: As voces baixas, de Manuel Rivas